Настанот во организација на Здружението на деца и млади со попреченост и нивните родители здружението „Невроразлични“ – Битола предизвика голем интерес, а беше наменет за поддршка, информирање и подигнување на свеста за децата со аутизам. На трибината свое излагање имаше д-р Наги Момени, истакнат научник и истражувач познат по својата работа во невронауката, биомедицинската анализа и најновите истражувања поврзани со аутизмот.
Беа презентирани најновите сознанија, истражувања и пристапи кои се значајни за подобро разбирање и поддршка на децата со аутизам. Настанот имаше за цел да ги обедини родителите, стручните лица, едукаторите, здравствените работници и сите граѓани кои имаат директно или индиректно влијание врз разбирањето на тоа што значи да се биде поразличен.
Трибината понуди простор каде предизвиците, новитетите и системските решенија се разгледуваа на едно место, преку научен, но истовремено и длабоко човечки пристап.
