Нова атракција за битолчани! На 7-ми јули се отвора првото и единствено ПАРКИНГ КИНО во Битола. Cinemac, институтот за филм и кино култура од Битола, стои како иницијатор и организатор на овој проект. Паркингот на ул. Тодор Скаловски бр. 8 (во Касарната) е местото каде сите заинтересирани ќе имаат можност да уживаат во филмови од најразлични жанрови.
ПАРКИНГ КИНО БИТОЛА (Кино на отворено со возила) ќе биде со програма за 4 вечери неделно во период од 3 месеци, со два капацитети за седење, партерно за индивидуално седење до 150 гледачи и во/ на 84 паркирани возила.
Планирани се две филмски проекции од вечер, со репертоар од ретроспективна детска програма наменета за широката публика со почеток во 20 часот и ретроспективна програма од светска, европска, балканска и македонска продукција наменета за возрасната публика со почеток од 21:30. Овој проект е непрофитен, секоја продажба на влезници (просечна вредност 130 денари), концесиска продажба на храна и пијалаци по малопродажни цени, спонзорства и донации се исклучиво за покривање на оперативните трошоци и програмата.
ЛОКАЦИЈА.
Месецот ќе започне со неодоллива летна магија за која сите сме возбудени.
КАЈМАК (2022), најновиот филм на Милчо Манчевски е првиот филм на репертоарот.
