Од меѓународниот турнир „ОХРИД ОПЕН“ – Охрид кој се одржа изминатиот викенд и на кој учествуваа 600 натпреварувачи од Македонија, Словенија, Англија, Бугарија, Босна, Грција, Косово, Албанија и Црна Гора, К.К. „ЗАНШИН ДО“ – Битола се врати со 3 пехари и 30 медали и тоа 6 злата, 8 сребра и 16 бронзи. Со овој настап К.К. „ЗАНШИН ДО“ – Битола пролетната сезона ја заврши со одлични резултати.
Само во пролетната сезона каратистите освоија 127 медали и тоа 19 злата, 24 сребра и 84 бронзи.
„Во оваа сезона Вероника Кочов и Стефани Кикеска кои повторно покажаа дека сите сме еднакви, настапија на 3 големи турнири и се закитија со 6 злата , доделени со аплауз и восхит на што никој не останува рамнодушен па многумина со солзи им аплаудираа на овие златни девојки.
Горда сум што Битола има одличен карате тим кој е помеѓу најдобрите каратисти во Македонија и Балканот. Очекувам есенската сезона да резултира со уште поголеми успеси со што оваа година да биди најуспешна од постоењето на клубот“, вели тренерот Стевка Јанковска Петковска.
