Ако мислевте дека серијата Stranger Things, по експлозивниот крај на третата сезона, не може да стане полуда и почудна – се излажавте!
После првите фотографии конечно излезе и првиот официјален трејлер за новата сезона, а според него – има за што да се радуваме.
„Уништивте сè. Вашето страдање ќе заврши наскоро“. Ова се првите зборови што ги слушаме во трејлерот, а потоа започнува хаосот! Вистинско уживање за сите љубители на оваа серија.
Според официјалното соопштение, дејството на оваа серија се случува шест месеци по претходната, по големата пресметка на крајот.
Тимот за прв пат е поделен во четири групи и се соочува со нова натприродна закана и мистерија која доколку успеат да ја решат може да го означи крајот на проблемот со чудовиштата.
Улоги: Винона Рајдер, Дејвид Харбор, Мили Боби Браун, Фин Волфхард, Гејтен Матарако, Кејлеб Меклафлин, Ноа Шнап, Сејди Синк, Наталија Даер, Чарли Хитон, Џо Кари и Маја Хок. Сезоната ќе има девет епизоди, од кои првиот дел ќе биде достапен на Нетфликс од 27 мај, а вториот од 1 јули годинава.
