Излезе од печат новата книга – сликовница за деца со наслов „Миленикот Џое“ од Вера М Самарјанин, автор на стиховите и Кети Радевска, илустратор.
Споменот на кучето Џое пренесен преку стиховите на Вера низ илустрациите на Кети.
Кети Радевска е родена во Буково, а со ликовна уметност, поточно со творење-цртање, се занимава 23 години. Учествувала со свои дела на голем број домашни и странски фестивали и добитник на голем број награди, признанија и сертификати.
Вера Благојевиќ Самарјанин е една од најпознатите хуманистри на овие простори и добитник на многубројни награди за хуманост. Таа е првиот добитник од Битола на наградата „Мајка Тереза“ од Националниот спомен дом на Мајка Тереза во Скопје, а во 2020 година е назначена за координатор за соработка од Асоцијацијата „Скопјанката Света Мајка Тереза“ за Канада. Има издадено 17 прозни дела, поетски 45 збирки со поезија за возрасни и 1 збирка детска поезија и поезија за деца и 42 сликовници.
