Во период од 12 до 20 Ноември 2022 година Основното училиште „Даме Груев“ -Битола со 4 ученици и двајца наставници Снежана Стојановска и Соња Јанкуловска беа во посета на гратчето Алвињано во Италија заедно со уште 4 држави Финска, Грција, Литванија и Турција. Посетата и реализираните активности се дел од Еразмус проектот GAME on, кој има за цел подобрување на менталното , физичкото здравје на учениците и поттикнување на водење правилен начин на живот поврзан со здравата исхрана.
Во текот на престојот учениците беа информирани од специјалист за здравата исхрана како да ги комбинираат и балансираат здравите нутритиенти преку т.н. „Медитеранска диета“ за подоцна да изработат брошура со совети за здрава исхрана.
Во изработката учениците заедно работеа и ги разменуваа нивните искуства од сопствените земји во однос на темата, како и информациите земени од нутриционистот .
„Имавме можност да ја посетиме и фабриката за произвотство на моцарела -заштитен италијански производ и повеке да се запознаеме со нејзината употреба во гастрономијата. Италија како земја позната по своите пици и пасти, учениците учествуваа во подготовката и изработката на пица во присуство на познатиот пица мајстор -Pasqualino Rossi.
Ја поврзавме кутурата и традицијата па учениците имаа можност да се запознаат и со културно историските споменици на Касерта, Помпеа и Рим“ истакна на крај координаторот Соња Јанкуловска.
