После две години пандемија, Светскиот ден на Ромите во Битола повторно се прослави онака како само тие знаеја и умееја – со музика, песни и игра. Така беше денеска на плоштадот „Магнолија“ во Битола каде се прославуваше до попладневните часови.
„На сите граѓани од ромската заедница од срце и душа им го честитам денот на Ромите и посакувам многу здравје, бериќет, среќа и сите да имаме меѓусебно разбирање. Пандемијата малку не задржа, но еве сега се враќа животот и свежината кај граѓаните, убаво е вака да се веселиме и да се дружиме“, изјави Џевдет Џелоски, Ромска ѕвезда Битола.
