Ракометарите на Еурофарм Пелистер со поголема гол разлика заминуваат на репрезентативната пауза, откако славеа и на четвртиот натпревар од плеј-офот. Во братскиот дерби против Еурофарм Пелистер 2, екипата на Жељко Бабиќ излезе како победник со 39-18 (19-10) и остана единствена екипа со максимален ефект.
Најефикасни во таборот на Еурофарм Пелистер беа Радовиќ со седум и Божиќ Павлетиќ со шест гола, додека кај Еурофарм Пелистер 2 се издвои Стефан Талевски со четири погодоци. Oдлично своите минути ги искористија Дејан Кукуловски кај Еурофарм Пелистер и Христијан Митревски кај Еурофарм Пелистер 2. По две недели, во петтото коло, Еурофарм Пелистер гостува кај Бутел Скопје, а Еурофарм Пелистер 2 ќе се соочи со Охрид.
