На 6 ноември, во Центарот за култура во Битола, се одржа 24-тото издание на детскиот музички фестивал ТРА ЛА ЛА, кој веќе долго време е препознатлив како една од најзначајните детски манифестации во Битола и во Македонија. Под мотото „Јас ја сакам Битола“, фестивалот привлече бројна публика која уживаше во новите 16 детски хитови, изведени од 16 солисти. Композициите се дело на легендарниот македонски музичар Кристијан Габроски.
Изведбите беа дополнети со настапи на пет балетски групи, кои ја збогатија сцената и донесоа дополнителна енергија на настанот. Балетските групи кои учествуваа беа: Хип хоп студиото „Сања Денс Скул“, ТСК „Спортакус“, Студиото за модерни танци „Expose“, танцовиот спортски клуб „Степ АП“, како и „Анастасија“ од Битола.
Фотографии: Ивона Кочов
