Литературниот клуб „Изгрев” кој работи во рамките на Домот на културата „Илинден” во Демир Хисар на 22 ноември, 2023 година со почеток од 11 часот ќе го одбележи 30 годишниот јубилеј.
На Манифестацијата ќе учествуваат поетите со авторска поезија, кои се дел од литературниот клуб, во склоп на манифестацијата ќе биде поставена изложба на литературни дела од богатата творечка и издавачка дејност на клубот и Домот на културата. Демирхисарското поднебје е стожер на македонската книжевност, ако се земе предвид дека најзвучните имиња во македонската книжевност потекнуваат токму од Демир Хисар: Петре М. Андреевски, Љупчо Сивески, Јордан Плевнеш, Раде Силјан, Веле Смилевски, Радован П. Цветковски, Божин Павловски кои се дел од историјата на македонската книжевност и уште многу други за кои допрва ќе се слуша на македонскат книжевна сцена.
