Камерното трио Интерарт од Битола оствари значаен меѓународен настап во Рим, каде на 11 август 2026 година настапи во рамките на престижниот Festival Musicale delle Nazioni – Concerti del Tempietto.
Концертот се одржа во Chiostro di Campitelli, во комплексот на Teatro di Marcello, едно од најзначајните историски места во срцето на Рим. Пред римската публика настапија Емилија Ристевска Стефановска – флејта, Александар Стефановски – флејта и Татјана Божиновска – пијано, претставувајќи разновидна програма во која беа застапени дела од современи и класични автори: Three Dances од Gary Schocker, Ivino од Marko Videnovic, Marbella Fantasy од Andrey Rubtsov и Trio од Jean- Michel Damase.
Настапот во Рим претставува уште едно значајно меѓународно претставување на трио Интерарт, но и можност македонските музички уметници да ја претстават својата интерпретативна енергија и камерна музичка традиција пред меѓународна публика.
Проектот беше реализиран со поддршка на програмата Culture Moves Europe, со финансиска поддршка од Европската Унија, во партнерство со римската организација Concerti del Tempietto. Настапот во Рим е значаен чекор во континуираното меѓународно дејствување на трио Интерарт и потврда дека македонските камерни ансамбли имаат свое место на европската концертна сцена
