Со почетокот на новата сезона и првата трка од Државниот мотокрос шампионат која се одржа на една од најдобрите и најтешки патеки во Македонија, Гевгелија – Милци, Христиан забележа значаен подвиг.
Го имаше својот 114 настап во македонскиот шампионат и стигна до јубилејната 100-та победа, што е податок за респект.
Ова е негова 45 победа во низа, а нема пораз последователно 4179 дена.
„На двете трки успеав да бидам на првото место, без зимски припреми и подготовки. Благодарност до мојот клуб, моите спонзори до сите мои фанови и моето семејство“, вели Кико.
