По повод Денот на детето во Трабзон, Турција беше отворена изложба на 7O слики од деца и млади ликовни уметници, како и талентирани деца од 3О земји.
Оваа ликовна изложба насловена како “Децата на светот во Трабзон” беше отворена во Трабзон во рамките на „23 април, ден на националниот суверенитет и Денот на детето“ во Турција, која е првата земја во светот која го прославува Денот на детето како национален празник.
Изложбата која беше подготвена под раководство на гувернерот на Трабзон, а во координација на Покраинскиот директорат за култура и туризам како и уметничкиот едукатор професор Вејсел Аџар, беше отворена за разгледување во Државната галерија за ликовни уметности во Трабзон.
Изложбата за свечено отворена ја прогласи градоначалникот на Општина Трабзон Ортахисар господинот Ахмет Каја.
Благодарници и цртежи за соработката од страна на Детското ликовно студио “Свети Кирил и Методиј” Битола освен на господинот Каја беа доделени и на градоначалникот на градот Трабзон и гувернерот на регионот Трабзон.
Градоначалникот Каја потсети дека Мустафа Кемал Ататурк учел во военото училиште во Битола, многу позната како Манастир и истакна дека изложбата, која беше отворена со истакнатите дела на конкурсот што ја одржува детската работилница веќе 57 години, преминала во традиционална како по втор пат е претставена во Трабзон во Турција и акцентираше дека до денес Трабзон беше препознатлив по богатата културно – историска уметност а со ова се позиционира и како град на уметниците.
Славчо Неделковски како еден од менаџерите на Детското ликовно студио „Свети Кирил и Методиј“ Битола објасни дека работилницата е основана пред 57 години и оттогаш 57 години одржува изложби и ликовни колонии низ светот.
Неделковски објасни дека отвораат изложба за втор пат во Турција и како пример ги посочи зборовите на Мустафа Кемал Ататурк за децата: „Децата се иднината на нашата нација и извор на радост и веселба“, како и универзалната порака дека Атарук дава многу едноставно упатство за местото на учителите во животот на децата велејќи: „Учителите се единствените кои можат да ја спасат нацијата“.
Претседателката на Детското ликовно студио „Свети Кирил и Методиј“ Битола Елена Хаџи-Антоновска во своето обраќање пред бројните гости ја истакна и улогата на професорот Вејсел Аџар кој 21 година непрекинато е гостин на Мал Битолски Монмартр а оваа година неговото ателје е и носител на најголемата награда Гран При за 2О25 година за светскиот детски ликовен конкурс “Битола 2О25” година во своето 43 издание а која ќе биде доделена на свеченото отворање на 44 издание на светската детска ликовна колонија “Мал Битолски Монмартр” на 23 мај 2О25 година.
Професорот Вејсел Аџар истакна дека уметниците на возраст од 4 до 2О години од 3О земји ги отсликуваат впечатоците што ги стекнале на историски места: Битолската и охридската стара архитектура како и 1.ООО годишниот Бигорски манастир „Свети Јован Крстител“ низ различни уметнички техники“.
Аџар како ко-претседател на Меѓународниот управен одбор на “Мал Битолски Монмартр” соопшти дека оваа година на конкурсот учествуваа над 8ОО приватни и државни школи кои генерираа фонд од над 8О.ООО детски ликовни цртежи а 2О делегации се поканети за учество на колонијата.
Организаторите и домаќините се договорија со градоначалникот Каја за можноста во Трабзон да се започне и со преговори за формирање на нова детска ликовна колонија за чии детали и можност ќе се разговара во тековната календарска година.
