„Сите бои на младоста“ беше мотото под кое се одржа музичкиот концерт на училишните бендови при СОУ Гимназија „Јосип Броз –Тито“ –Битола по повод патрониот празник. На почететокот на публиката им се обрати директорката на Гимназијата, м-р Лидија Споа, која истакна:
„Предизвикот да се менаџира Гимназијата „Јосип Броз – Тито“, морам да признаам дека е огромен, но привилегијата да се работи со млади луѓе кои се одлучни да бидат први, кои во себе го имаат жарот на препознатливата младешка бунтовност и оригиналност е моја и на целиот наставен колектив на Гимназијата. Реализирањето на образовните активности е комплексен процес, но благодарение на взаемната поддршка на учениците и професорите покрај предвидените цели во наставата, тие се постојано активни и во воннаставните активности, редовни учесници и носители се на првите местана регионалните, државните натпревари по повеќето наставни предмети. Овие млади луѓе, сите се посебни на свој начин, оттука произлегува и мотото – Сите бои на младоста. Нивната автентичнот и оригинална мисла, секојдневно ни е инспирација и нам, на професорите да прибегнеме од светот на возрасните, за да можеме со нивни очи да го погледнеме светот, за да ги разбереме. На крајот на краиштата – секој учител бил нечиј ученик“.
Потоа се обрати и Градоначалникот на Општина Битола, д-р Тони Коњановски, кој е поранешен ученик на Гимназијата.
Во свечениот дел им беа доделени признанија на учениците и професорите – ментори кои во тековната учебна година ги претставуваа боите на Гимназијата и освоија високи места на спортски натпревари, натпреварите по природни науким натпреварите по странски јазици … но, и на учениците и професори кои постојано допринесуваат за здрава образовна клима воо училиштето и за афирмација на Гимназијата која е една од водечките образовани институции во Македонија.
Фотограф: Саше Богоевски
