„Екстрим бајк тим Битола“ викендов ќе бидат дел од трката која ќе се одржи на планината која се наоѓа над Лариса во Грција. Од клубот не информираат дека трката е прва од грчкиот даунхил куп каде можат да се натпреваруваат и странски учесници. Токму затоа ќе одат да се натпреваруваат и шест членови на „Екстрим бајк тим Битола“.
„Ќе се напреваруваме во даунхил дисциплина, како највозбудлива и најекстремна дисциплина во планинскиот велосипедизам, спуст со планински велосипед по претходно изработена патека. Шд сите шест натпреварувачи, двајца ќе настапат во мастер категорија, двајца во елите, еден во e-bike категорија и еден во јуниори. Нашиот тим за прв пат ќе настапи на оваа трка која се организира по шести пат. Пределот е ридско-планински со високо екстремна патека со многу големи скокови, поточно се работи за „Air downhill“ трка, рече за Читај бе Јовче Даскаловски од „Екстрим бајк тим Битола“.
