Голем успех на македонските боксери на Меѓународниот турнир Лах Нимани во Косово – освоија два златни медали и еден сребрен. Боксерската Репрезентација на Македонија со тројца боксери настапи на овој турнир во јуниорска категорија: Петар Арсовски 54кг., Ален Рустемовски 57кг., Ружди Рустемовски 60кг. Нашите боксери беа предводени од тренерите Александар Арсовски и Јове Петровски.
„Македонските боксери се закитија со две Злата и едно Сребро со Златен сјај“, рече за Читај бе тренерот Јове Петровски. „Петар Арсовски боксуваше против боксерот на Црна Гора убедливо со 5:0. Исто така Петар беше прогласен за најдобар странски боксер. Ален Рустемовски боксуваше против боксерот на Бугарија, убедлива победа за Ален 5:0 и една од најдобрите борби на турнирот.
Ружди Рустемовски имаше два меча полуфинален и финален меч и во двата меча против домашни боксери од Косово. Првиот меч убедлива победа од 5:0.
А во финалниот меч Ружди беше оштетен од судиите и се закити со Сребро.
Се одеше според договореното и според планот и тоа вроди со плод“, вели Јове Петровски.
Следни настапи се Македонското Првенство Меѓународниот Турнир Мирослав Петровиќ и Арена Купот.
