Полека, но сигурно Државното првенство од Б дивизијата за Американски билјард се движи кон крајот, а нашите сограѓани повторно нé радуваат во висок ритам кој што по сé изгледа на останатите ќе им биде тешко да го пратат. На овој турнир организатори и судии беа битолчаните Горан Думевски Панчо и Горан Петровски Сајкал.

„На четвртиот од вкупно седумтте Мастерс турнири повторно бевме најбројни со седумина учесници, а и овојпат повеќе од успешни. Се играше за широката популација најпознатата игра Осумка, а имаше вкупно 31 пријавен играч. Николче Србиновски со две победи полека се враќа во игра, а маратонецот Тони Петровски спејализиран за Хил-хил мечеви стигна до 9-то место губејќи баш во Хил-хил меч во губитничко квалификационо коло. Во квалификациите од вкупно осуммина се пласираа вкупно четворица од Битола, а мечот помеѓу Златко Ицановски и Андреј Ангеловски ни ветуваше сигурен полуфиналист. Со петтото место Ицановски го задржа водечкото место во Генералниот пласман и само формалност е неговото учество до година во А дивизијата. Жилавиот 63-годишен Наум Гулевски со второто последователно учество во четвртфиналето докажа дека и тоа како е незгоден противник победувајќи го притоа првиот годинешен победник и покажувајќи желба за победа на која и младите можат да позавидат. Теодор Најденов после киксот во првото коло се созеде и со добра игра стигна во финалето, но можеше да се забележат недоречености во клучните моменти во неговата игра кои се должат на недоволното тренирање. И Андреј и Тео стигнаа во финалето после трилер полуфиналиња и во финалето влегоа потполно растоварени. Тоа беше финале во вистинска смисла на зборот кое се играше до 6 добиени каде се забележани по 4 break and run или по 4 марса каде што играчот разбива и ја завршува играта на една штека, народски кажано. Сите почести за Андреј кој со марс ја заврши последната игра и со резултат го освои првиот Турнир. Во Битолското Финале на Тео (20 г.) и Андреј (22г.) се играше игра која не е забележана ни во А дивизијата. Андреј Ангеловски направи вистински потег шо се врати во билјардот бидејќи се работи за играч со најдобра техника, добра поставеност на масата и осмислување на играње. Едноставно се работи за играч кого е задоволство да се гледа“, изјави Горан Думевски Панчо, еден од организаторите на турнирот.

2

Претплатете се за новости

You May Also Like

Тројца битолчани од „Талент“ ќе играат за младата фудбалска репрезентација на Македонија У-14 против Словенија

Алек Сиваков, Давид Ангелевски и Стефан Секирски од фудбалската школа „Талент“ од…

Том Круз, Дејвид Бекам, војвотката Кејт аплаудираа на нејзините пресуди – Анета Павловска судеше на Вимблдон

Битолчанката Анета Павловска, една од најдобрите македонски тениски судии, судеше на годинешното…

Четвртото издание на „Трчај бе“ низ објективот на Саше Богоевски

Со учество на 1400 атлетичари од 12 земји од светот, денес во…

Средба после 20 години на ракометарките и стручниот штаб на ЖРК Пелистер

На иницијатива на тренерот Борче Марковски кој работи професионално на Фарски Острови,…