Во периодот од 10-13 октомври во с. Буково, Битола, во атерот на манастир Свето Преображение, се одржува Државниот извиднички ориентационен натпревар кој претставува најзначаен натпреварувачки настан во извидничкиот календар!
Настанот е во организација на Сојуз на извидници на Македонија (СИМ) со одредот домакин ИО,,Скаут Пелистер”- Битола.
На ова 30 издание на ДИОН учество земаа 24 екипи од 9 градови ширум државата заедно со повеќе од 25 волонтери извидници!
Началник на натпреварот е Виктор Димовски, додека старешина на настанот е Бобан Москов. Извидниците се натпреваруваат во повеќе дисциплини и тоа: семафор, морзеова азбука, задачи на карта, ориентација во природа, поставување бивак, скица и извештај на дел од помината патека и други извиднички дисциплини.
