Вечерва заврши петдневната манифестација на УНЕСКО специјализирана за детското сликарство и младите ликовни уметници за кои е задолжен Светскиот младински уметнички институтот – Центар за УНЕСКО со седиште во Троа – Франција.
На денешната церемонија на наградување на делата кои пристигнаа на 3О-тиот јубилеен светски детски ликовен конкурс а на кој учество имаа над 85 земји во посебен сегмент беа поединечно доделени 1О специјални награди за посебен индивидуален пристап во своето сликарство на 1О членови на Детското ликовно студио Свети Кирил и Методиј Битола.
Беа доделени посебни Признанија на Јана Талевска и Никола Тасевски што од страна на УНЕСКО беа номинирани па оценети во топ 1О најдобри млади ликовни уметници во светот во својата категорија.
Посебни и специјални Награди и Признанија беа доделени и на Детското ликовно студио Свети Кирил и Методиј Битола кое 3О години единствено ја застапува Македонија и редовно е наградувано како и Претседателката Елена Хаџи-Антоновска за својот долгогодишен работен стаж од скоро 3О години во работа во организацијата и младите ликовни уметници.
Ученичката Валерија Костовска доби и посебно Признание за освоено високо трето место во светот во категоријата млади уметници од 14 – 17 години за што од страна на Претседателот Мишел Гирост и Директорката Каролина Салдана и беа врачени и хартиена плакета и бронзен медал.
Претседателот на Управниот одбор на Детско ликовно студио Свети Кирил и Методиј Битола Славчо Неделковски за време на посетата на Париз и Троа одржа работни состаноци со челниците на УНЕСКО со цел започнување на постапка за обезбедување на заштитна на движно светско наследство на светската детска ликовна колонија Мал Битолски Монмартр.
Патувањето беше обезбедено со поддршка на Претседателот на Комисијата за развојни програми со ЕУ и УНЕСКО при Меѓународниот Управен одбор на Мал Битолски Монмартр – Милен Врабевски како и лични донации на Претседателот Стево Пендаровски и финансиска помош од Министерството за култура како и поддршка од Општина Битола како и медиумскиот партнер на Детско ликовно студио Свети Кирил и Методиј Битола – порталот Читај Бе, изјави Неделковски.
