Македонскиот рок бенд CODE 369 со битолска регистрација сериозно го освојува балканскиот музички пазар. Како и секогаш – веројатно CROATIA RECORDS ја препознава вистинската музичка вредност т.е според коментарите – бендот CODE 369 потсетува на некогашната квалитетна музичка рок сцена која и е една од одликите на поранешна Југославија.
Радува фактот дека и покрај напливот на инстант рефрени, сѐ уште има изведувачи кои не дозволуваат да бидат контаминирани во нивното создавање, туку го даваат она што го имаат во себе во вистинско издание до максимум.
CODE 369 докажуваат дека музиката всушност е универзален јазик и она што е најинтересно и најзаводливо кај нив е тие не се сменети од разните временски тектонажи, тие само растат во времето во истата музичка насока – затоа рок музиката е за луѓе кои дефинитивно растат, а но остануваат млади.
