Битола утре ќе биде центар на женската енергија, инспирација и движење. На 20 јуни, градот ќе ја пречека „Женската ноќна трка – Биди Своја 2026“, настан кој веќе традиционално ги обединува жените од сите генерации во духот на поддршка, здравје и самодоверба.
12:00 – Панел дискусија „Жена во движење“ – Хотел „Бела Куќа“
Денот започнува со инспиративна панел дискусија посветена на теми што ја засегаат секоја жена: физичко и ментално здравје, справување со стрес, хормонални промени, самодоверба и грижата за себе во брзото секојдневие. Панелистките – Д-р Виолета Николова, Билјана Атанасовска и Маја Атанасовска, под модерација на Сунчица Аровска, ќе понудат практични совети, искуства и мотивација.
19:30 – Главен настан пред Офицерски дом
Вечерта започнува со енергичен и забавен програм:
- Настап на децата од ТСК Спартакус
- Танцови кореографии и спортска анимација
- Загревање за сите учеснички со Миа Фит, сертифициран Kangoo Jumps инструктор
Во 19:55 часот, сите учеснички ќе бидат повикани на стартната позиција – момент кога адреналинот расте, а атмосферата станува електрична.
По трката – Прогласување и наградување
По завршувањето следува свечено прогласување на победничките во повеќе категории:
- Генерален пласман
- Возрасни категории
- Најбрза Битолчанка
- Најбрзи тимови и компании
- Категорија 60+
- Специјални признанија и изненадувања
Настанот ќе заврши во духот на заедништво, поддршка и славење на женската сила – вечер исполнета со емоции, енергија и мотивација.
