Ракометарите на Еурофарм Пелистер изгубија од Вардар во дербито со 3 разлика и го срушија сонот на битолчани – не успеаја да ја освојат титулата.
Битолчани се разочарани затоа што фантастичната атмосфера и максималната поддршка од публиката не беа доволни за играчите да го остават срцето на терен. Секоја чест на неколкумина исклучоци во тимот.
На овој натпревар, битолската публика и навивачката група Чкембари се победници. Реагираа како публика на највисоко ниво и покрај сите провокации и неправди. Знаат да наградат, но знаат и да казнат. Тоа и го направија на крајот на натпреварот.
Но, тука не застанува се. Ракометна Битола има иднина. Ракометот повторно се враќа на ниво како некогаш. Гордоста наша Еурофарм Пелистер 2 ни ја дава таа надеж. Во градот функционираат голем број пионерски и младински екипи на неколку клубови. Имаме клуб кој повторно се врати на европските патеки.
Битола била и ќе биде ракометен град. И има публика која го разбира и го сака ракометот. Живее за ракометот. Повеќе од било кој во ова мало парче земја. И тоа треба да го сфатат сите наредни играчи кои ќе го облечат зелено-белиот дрес.
А тие што заминуваат – никогаш нема да имаат ваква публика.
Фото: Саше Богоевски
