Кога на сцената ќе се сретнат две големи институции кои повеќе од седум децении го чуваат, негуваат и пренесуваат народното творештво, тогаш не станува збор само за концерти, туку за ноќ во која ќе се спојуваат минатото и иднината, преку песни, игри и врвни професионалци. Се случуваат два големи спектакла насловени „Една ноќ под ѕвездите“.
Македонскиот код, преплетувањето на минатото и иднината, Македонскиот национален ансамбл за народни песни и игри „Танец“, по успешно реализираниот велигденски концерт, целовечерниот концерт во Кичево, гостувањето во Турција, Балканскиот фестивал на народни песни и игри и хрватскиот ансамбл на народни песни и игри со над 100 кореографии и успешни концерти низ Балканот, приредуваат заеднички концерт за паметење. Поврзани преку мисијата за зачувување и афирмација на македонското и хрватското културно наследство, љубителите на фолклорот ќе имаат можност да уживаат во нивниот заеднички концерт во Скопје и Битола.
На 8ми јули, со почеток во 20:30 часот, Битола ќе биде домаќин на овој спектакл.Иако првобитно концертот беше најавен на сцената на античкиот локалитет Хераклеја, поради временските услови концертот ќе се одржи во Спортската сала „Боро Чурлевски“, а вратите на спортската сала ќе бидат отворени од 19:30 часот. Промената на просторот не ја намалува уникатноста на концертот, туку, напротив, публиката и понатаму ќе ужива во вечер исполнета со врвни фолклорни уметности.
Картите за концертот се достапни на kupikarta.com
Повелете и бидете дел од вечер во која традицијата, музиката и фолклорот ќе зборуваат на најуниверзалниот јазик, на јазикот на уметноста.Бидејќи на 8ми јули Битола ќе биде местото каде што ќе се испише уште една значајна страница за традицијата на два народа.
Елеонора Блажевска
