На 21.10.2022 година (петок) во Кино Манаки со почеток во 18.00 часот ќе се одржи културно-научен настан „Битола мојот роден крај“ со промоција на книгата „Врвиците на зборот“ од проф. д-р Вера Стојчевска Антиќ.
Книгата ќе ја промовира проф.д-р Катерина Петровска Кузмановска.
Се надеваме дека и за овој настан ќе најдете простор во Вашите информативни изданија или содржини посветенн на културниот живот во градот.
Вера Стојчевска Антиќ е една од најплодните македонски автори чија област на истражување е средновековната македонска книжевност. Истовремено припаѓа на најголемите македонски лингвистичари кои своите истражувања ги промовира низ светот. По нејзините книги посветени на животот и делото на Блаже Конески „Мојот професор пророк“ и „Вековит светилник“ посветен на монашкиот живот во Бигорски манастир и Рајчица, Стојчевска Антиќ го сврте својот фокус кон родниот град Битола. Поради своето огромо научно, истражувачко и општествено дело Вера Стојчевска Антиќ е ностител на бројни национални награди, а во 2014 година ја доби и наградата „4-ти Ноември за животно дело“. Авторката припаѓа на генерацијата „градски битолчани“ кои во својата работа постојано се присутни во научните и библиотечните институции во Битола иако животниот пат ги одвел од родното место. Своето детство и гимназиски денови ги помина во Битола од каде се и реминисценциите за оваа книга.
Промоторот проф. Д-р Катерина Петровска Кузмановска е професор на Институтот за фолклор „Марко Цепенков“, доктор по филолошки науки – македонска книжевност. Има објавено трудови кои се однесуваат на театрологија , живата фолклорна традиција , народниот и обредниот фолклор, од 2009 година работи на дигитализација на македонските фоклорни изразувања. Во својата истражувачка работа ја има вклучено и конзулска Битола. Уредник е на списанието „македонски фолклор“ на Институтот.
