Во музејот на Ранко Струмениковски во Битола, средношколци од гимназијата „Јосип Броз Тито“ ги изложија нивните дела во неделата. Тие се: Ангела Дуковска, Анушка Симјановска, Антон Гагачев и Анастасија Јанкуловска. Делата на секој од авторите се со различна тематика и различен стил. Заслужен за реализација на оваа изложба е Драган Ристевски, како и професорот по ликовна уметност- Александар Поповски.
За збор на отварањето на изложбата зеде и ликовниот уметник и критичар Владо Ѓоревски – Рафик, кој рече дека му е посебно драго што има чест да зборува на изложба на млади ликовни автори од Битола, гумназијалци, тоа значи само едно дека уметноста ќе продолжи да живее во Битола, а тоа што четворицата се матуранти за нив е плус во одредување на нивната понатамошна кариера. Исто така Драган и Александар ја отворија изложбата со нивни посебни реченици за пофалба кон учениците, а огромна благодарност изрази Ангела Дуковска во име на сите творци. Таа беше пријатно изненадена што присуството беше во огромен број и кажа дека народот е оној кој е заслужен за тие да го продолжат нивното творење. Голема заслуга за пријатната атмосфера во музејот имаат Андреј Петровски и Бојан Јанакиевски.
