Сојуз на борци од НОАВМ 1941-1945 година и граѓаните продолжувачи – Општински одбор – Битола, одржа свечена академија по повод 80 години од формирање на партизански одреди и загинување на битолските партизани од НОАВМ и 75 години – Сојуз на борци од НОАВМ.
Пред присутните се обратија Ивана Атанасовска и претседателот на Сојузот на боорци, Стефан Бошков, додека настанот започна со настап на дувачкиот оркестар на Државното музичко училиште – Битола.
Бошков најави продолжување на активностите на поставување две бисти на борци, како и реконструкција на Партизанските гробишта за која рече дека наскоро ќе започне.Тој истакна дека битолската организација е најорганизирана и најактивна во целата република, затоа што такво наследство им оставиле нивните претходници.
Денеска исто така беа одбележани 80 години од смртта на Народниот херој Стив Наумов, со полагање на цвеќе пред споменикот на Стив Наумов кај Офицерски Дом во Битола.
