ilina naslovna

Кога 8-годишната Илина танцува, како да гледате професионалец кој со години ги усовршувал своите движења. Нејзината посветеност и љубов кон танцот, резултираат со голем број награди. За две години освоила 9 златни медали, 2 пехари и уште многу други дипломи.

Нејзината танцова приказна започна пред две години, кога членството во ТСК Спортакус го добива како награда за најдобра првоаприлска маска. Оттогаш, танцувањето за Илина е на прво место.

Нејзините родители велат дека Илина преку танцот ги искажува своите емоции. Максимално ја поддржуваат, иако тоа не значи само одделување време туку и средства од семејниот буџет бидејќи тешко се наоѓаат спонзорства.

Запознајте ја 8-годишната Илина Недановска од Битола.

438069744 964943395413199 4591589429471387324 n

Читај бе: Илина, најнапред претстави ни се…колку години имаш, каде учиш…

Илина: Јас сум Недановска Илина, имам 8 години и учам во ООУ „Коле Канински”, 3 одделение.

Читај бе: Како го засака танцот? Колку време танцуваш?

Илина: Танцувам повекје од 2 години во ТСК Спортакус. Љубовта за танцувањето кај мене ја вметна мојот тренер Дона Димовска со која секојдневно смислуваме нови интересни елементи на движење што прави само се повеќе да го сакам танцувањето!

438083616 7684326851659341 8698181681455822921 n

Читај бе: Годинава освои неколку први места на натпревари во државата, но и надвор. Последното прво место е во Чачак. Колку тоа те мотивира за да бидеш подобра на следните натпреварувања?

Илина: Во овие две години имам освоено 9 златни медали и 2 пехари за соло изведби и многу дипломи за освоени прво и второ место во група и дуо категории. Последниот медал во Чачак за мене е само поголема одговорност да дадам се од себе и понатаму достојно да го претставувам клубот и нашата земја надвор.

438065292 485614130575110 1239942875626322902 n
nagrada

Читај бе: Кога се работи за танцувањето, што е она што најмногу го сакаш додека вежбаш и додека се натпреваруваш?

Илина: Многу ја сакам гимнастиката и елементите што содржат гимнастика ми се омилени, а натпреварите секогаш ми се омилени заради дружењето што го имаме таму.

438089943 791999216416142 4403994381535330876 n

Читај бе: Кој е твојот најомилен настап досега?

Илина: Чачак!!! Затоа што не се надевав на високо место, а освоив прво. Убаво беше и  дружењето со деца од различни држави.

438069706 1206077170802672 4280937659267696327 n
438083649 1132612661336991 5803465090843163706 n

Читај бе: Што ти беше досега најтешко, а што налесно да научиш во танцувањето?

Илина: Чест е елемент од гимнастика за кој ми требаше повеќе време да го научам. Сè друго со советите на мојот тренер Дона успешно совладувам.

438069577 1549211772594489 8433988039066161916 n

Читај бе: Имаш ли некоја желба некаде да настапиш и да танцуваш?

Илина: Немам посебна желба, но во иднина се надевам почесто ќе настапувам во други држави.

438083480 505184808500080 2765516000028000238 n

Читај бе: Освен танцувањето, имаш ли и други хобија? Што сакаш да правиш во слободно време?

Илина: Танцувањето ми е на прво место, потоа е англискиот јазик и после училишните обврски, многу малку време имам за друго освен се разбира другарувањето за кое секогаш наоѓам време.

Нејзината мајка, Јасмина вели дека Илина добива максимална поддршка од семејството.

Читај бе: Како го откривте талентот на Илина за танцување?

Јасмина: Морам да признаам дека тоа не бев јас! Сосем случајно дојдовме на идеја да ја запишеме на некоја спортска активност. Членството во ТСК Спортакус беше всушност награда за најкреативни маска што после короната беше организирано од страна на кловнот Заги. Потоа Илина си го пронајде своето место со поддршка на наставничката Дона.

Читај бе: Колку ја поддржувате во тоа? Нејзините успеси и први места значат и постојано патување…

Јасмина: Се трудиме максимално да ја има поддршката од нас! Мора да напоменеме дека не е само одделувањето на време туку и средства од семејниот буџет бидејќи ретко наидуваме на спонзорства, а клубот како клуб максимално се труди да ни олесни.

438083383 324191687223336 5615052640293334305 n

Читај бе: Што значи танцувањето за Илина? Како тоа влијаеше врз нејзиниот развој?

Јасмина: Секој спорт позитивно влијае врз развојот на децата и мислам дека многу е битно од мали да стекнуваат навика за спортски активности бидејќи спортот не само што е добар за здравјето туку убаво е да се поседува тој спортски дух на подавање рака и другарство! А преку танцот пак Илина има  можност да ги искаже своите емоции на еден суптилен и нежен начин.

meblo trejd cestitka

Претплатете се за новости

You May Also Like

Семејството ја испиша од факултет, таа се врати и заврши со 9,80 просек – Сонита Фејзовска од Битола руши табуа за жената Ромка

Никогаш не се откажувајте од својот сон иако не ви дозволуваат да…

Џуџестиот раст не е недостаток и проблем за да работиш или учиш некоја професија – интервју со 15-годишниот Никола Попчановски од Битола

15-годишниот Никола Попчановски од Битола е момчето со џуџест раст кое не…

Животниот сон му стана реалност – интервју со битолчанецот Филип Тодоровски, пилот-капетан во Wizz Air

Битола можеби нема аеродром (патнички), но има КАПЕТАН. Кога нареден пат ќе…

Патот до успехот на битолчанецот Антонио Гурабиевски – од физиотерапевт во Романија и Македонија до сопствен бизнис во Америка

Антонио Гурабиевски е 26-годишен битолчанец, кој студенските денови ги помина во Романија…