Матурантките Марија Тиловска и Александра Марковска во склоп на одбележувањето на 40 години од постоењето на СОУ „Таки Даскало“ – Битола го реализираа својот матурски испит, така што поставија изложба во Галерија и музеј ,,Ранко Струмениковски“ во Битола , под менторство на професорката по Ликовно образование – Буба М. Солак.
Интересно е што, учениците од јазично – уметничките насоки одамна концептот училница го заменуваат со нови алтернативни простори, каде ги презентираат своите уметнички дела, така што се видливи за пошироката јавност со што се зголемува видливоста на идните уметници.
Изложбата беше посетена од родители, професори,соученици, дел од учениците од класот беа вклучени во концептот/изложбата на Александра Марковска која изработи едночасовно видео инспирирано од концептуална уметница Марина Абрамовиќ , имаа и музички настап. Делата пак изработени од Марија Тиловска кои одразуваат еден психолошки момент со наслов ,,Слоеви на дуата“ акрил и миксмедиа ја инспирираа професорката по Македонски јазик и литература, но исто така и книжевеен деец – Милица Д.Радевска да изрецитира поезија посветена на нејзината ученичка, Марија Тиловска.
Неколку години, благодарение на професорите по уметност, завршните матурските испити знаат да бидат вистинско откритие и воодушевување – уште еден показател дека во Битола има многу талентирани средношколци од кои буи креативноста, во секој случај, за пофалба е и поддршката на Галеријата „Ранко Струмениковски“ која им овозможува на младите уметници да ги изложат и да бидат видени нивните дела.
