Месецот ноември претставува „Месец на науката” и истиот ја нагласува значајната улога на науката во општеството и потребата од вклучување на пошироката општествена јавност во соработка и размена на искуства во делот на научно-истражувачката работа.
И оваа година во рамките на одбележувањето на „Месецот на науката”, трет пат по ред, на ден 16ти ноември во организација на Факултетското студентско собрание при Техничкиот Факултет – Битола ќе се одржи Третата факултетска студентска конференција на Тема: „Техниката и урбаниот развој”. Истата ќе се одржи со физичко присуство, во амфитеатарот на факултетот, со почеток во 10.00 часот. На конференцијата ќе бидат презентирани стручни трудови на студенти на прв, втор и трет циклус студии од отсеците: “Електроенергетски системи и обновливи извори на енергија”, “Машинство”, “Индустриство инженерство и менаџмент”, “Сообраќај и транспорт”, “Мехатроника” и “Графички отсек”. Покрај студентите, на конференцијата активно учество ќе земат и претставници од Ректорската управа од Универзитетот „Св. Климент Охридски” – Битола, Деканската управа на Техничкиот Факултет, професорите, претставници од компании од приватниот сектор, и други лица.
Целите на конференцијата се:
- Поттикнување на студентите во креативни решенија при научно-истражувачката дејност,
- Постигнување на меѓусебна размена на знаења и искуства и
- Продлабочување на соработката помеѓу факултетот и компаниите-партнери на конференцијата.
