На 20-ти Октомври во 11 часот кај црквата Св. Атанасиј – Смолево ќе се одржи „Смолево MX“ – државен шампионат во мотокрос.
Петар Дамјановски со неговиот матичен клуб „Ендуро Водно“ – Скопје, во соработка со Офроад клуб Пелистер – Битола се организатори на четвртата и последна трка од македонскиот шампионат за оваа година.
На плоштадот Магнолија викендов беше промовирана трката, а љубителите на мотоциклизмот и на спортот, имаа можност да се информираат подетално за настанот и да се запознаат со натпреварувачите.
Натпреварувачи покрај од цела Македонија, ќе има и од Србија и Грција.
Секоја класа вози по две трки, а натпреварувачки класи за оваа трка се:
-mx50, mx65, mx85
-женски: wmx85;
-јуниор: Mx125;
-ветерани: Mx и mxs
-мх1 и мх2
Трката ќе биде збогатена со музика, а ќе има и пијалоци и храна.
Според традицијата на мотокрос трките во Битола, се очекуваат околу 5000 луѓе публика.
