Синдикатот на РЕК Битола ќе му помогне на нивниот член и колега, Сребрин Поповски во обновување на неговата куќа која изгоре во пожар.
Управниот одбор на Синдикатот одлучи да му додели на Сребрин 50.000 денари неповратна финансиска помош, а ќе му обебзеди и неколку апарати за домаќинство.
„Солидарноста со нашите членови е прва и основна задача на Синдикатот. Ќе помогнеме секому и секаде, согласно можностите и околностите. Со надеж дека во иднина ќе нема случаи во кои ќе треба да помогнеме за намалување на болката или последиците од немили настани, на Сребрин и семејството му посакуваме што побрзо обновување на куќата“, велат од Синдикатот на РЕК Битола.
На 30 Јуни 2022 година, околу 18:30 часот, изби пожар во куќата на семејството Поповски, на улица 16-та број 29 во Битола и целосно е оштетена нивната куќа во која живееја. Огнот ги пеплоса покуќнината, мебелот, техничките апарати и гардеробата, односно вториот спрат од куќата во целост изгоре, а првиот спрат е целосно уништен од водата.
Семејството Поповски откако изгоре нивната куќа, немаат каде да живеат и останаа без покрив над глава. Засега се згрижени кај роднини, поради што итно им е потребна помош. Сметката за донации е 210-5016787176-48, депонент НЛБ Банка АД Скопје. Сопственик на сметката е Благојче Поповски со живеалиште на ул. 16-та број 29 во Битола. Број на повикување за физички лица е 289, за правни лица е 262, со назнака донација.
