На 17 декември 2023 година, од 10 до 13 часот за прв пат во нашиот град ќе биде организиран Новогодишен мотивирачки спортски настан во ОУ „Св. Климент Охридски“. Организатори на настанот се: Маја Атанасовска и Дона Димовска.
Маја Атанасовска – организатор на првата женска ноќна трка БИДИ СВОЈА, од која ќе имате можност да слушнете како да се охрабрите и да верувате во себеси, дека не е само да се истрча до целта за минутажата туку дека е најубавата борба и дружба со самата себеси, како и да се верува во зборот МОЖАМ, а не во зборот НЕ МОЖАМ. Тоа е воедно и добра мотивација за следната 2024 година за пријавување на ноќната женска трка.
Дона Димовска – Танцов спортски клуб СПОРТАКУС, со која ќе имате можост да танцувате и да се забавувате. После секој напорен ден добро е да се вежба и танцува за да бидете позитивни за останатиот дел од денот, а исто така имате и можност за учествување на натпревари и дружби надвор од нашата држава и да освојувате медали и награди. Таа има и жени кои веќе се натпреваруваат надвор од државата и ќе ги запознаете доколку сакате да ни се придружите.
Исто така на Новогодишниот мотивирачки спортски настан ќе биде присутна и психологот Билјана Атанасовска која ќе ве мотивира како да се изборите со вашата психичка борба, како да излезете од тоа НЕ МОЖАМ и како да се претвори во МОЖАМ, како во спортот така и во секојдневиот живот.
Ќе присуствува и забавниот и секогаш насмеан и весел кловн ЗАГИ за да го направи настанот уште поинтересен и позабавен за да уживаат и најмалите. Освен сите овие неверојатни активности, ќе има и натпреварувачки игри, а право на учество ќе имаат девојките и жените кои ќе се пријават на страната. Пријавувањето е бесплатно и ќе се објави на социјалните мрежи facebook I instagram. На настанот ќе има и лотарија, а наградите се поврзани за убавината на секоја девојка, жена. Задолжително носење црвени маици и патики за да се биде настанот во новогодишниот дух.
На самиот влез ќе има поставено кутија од која секоја девојка и жена ќе си извлече бројче за лотаријата и на крајот ќе се извлечат и добитничките за СРЕЌНА НОВА 2024 ГОД.
