По неверојатно успешната летна светска сезона, оваа есен македонската публика ќе има можност да ужива во најсветскиот домашен проект – „Модернизам и Ренесанса“. Настанот ќе се одржи на 31 октомври во спортскиот центар „Јане Сандански“ во Скопје.
Публиката ќе има ретка прилика да биде дел од шоу кое носи нешто многу повеќе од класичен стенд-ап – уникатен, чуден хумор и уште почудно шоу.
Како специјални гости од Австралија доаѓаат Stojanoski Brothers, а на сцената ќе им се придружат и добро познатите ликови: Моторџијата, Кломпарот, Битолчанката и Жане. Се разбира, дел од вечерта ќе бидат и омилените Павле и Боцо.
Влезниците ќе бидат пуштени во продажба во четврток (18 септември) од 10:00 часот наутро, исклучиво преку avalonbooking.mk. Сите детали околу цените и категориите на билетите ќе бидат објавени утре на официјалните платформи на Avalon International Booking.
