Мото Клуб Конзули – Битола, во соработка со Министерството за внатрешни работи (МВР), Републичкиот совет за безбедност во сообраќајот (РСБСП), автошкола Турбо Кар и Црвениот крст, го организира настанот „Безбедност во сообраќајот“, кој ќе се одржи на 5 април 2025 година во Битола со почеток во 12 часот на паркингот кај Спортската Сала „Боро Чурлевски“.
Овој едукативен настан има за цел да ја подигне свеста за безбедно и одговорно учество во сообраќајот, со посебен фокус на младите возачи, моторџиите и останатите учесници во сообраќајот.
Што ќе се случува?
✔ Едукативни предавања од претставници на МВР и РСБСП
✔ Презентација на важноста од заштитна опрема и одговорно возење
✔ Практични демонстрации во соработка со автошколата
✔ Учество на инструктори, спасувачки тимови и медицински лица
