Во свет каде што жените секојдневно се соочуваат со предизвици и очекувања, постојат оние кои ги поместуваат границите и инспирираат со својот пример. Една од нив е Маја Атанасовска, спортистка и организаторка на женската трка „Биди своја“ во Битола – настан кој не е само спортски предизвик, туку и порака за храброст, самодоверба и личен раст. Во ова интервју, Маја споделува што ја мотивирало да ја организира трката, како успева да го слуша своето тело додека ги освојува сопствените граници и зошто е важно секоја жена да ја најде својата патека. Таа во рана бременост истрча полумаратан – 21 километар, а неодамна, во седми месец од бременост учествуваше на треил трката за вино и љубов.
Читај бе: Што Ве мотивираше да ја организирате трката „Биди своја“ и каква порака сакате да им пренесете на жените преку овој настан?
Маја: Мојата најголема мотивација беше желбата да создадам простор каде што жените ќе можат да ја почувствуваат својата сила, поддршка и слобода. „Биди своја“ не е само трка – тоа е потсетник дека секоја жена треба да си верува дека Можи да се движи, да расте и да се надминува себеси без страв и паника (Леле не можам😃) Пораката е едноставна: не споредувај се со другите, најди ја сопствената патека и трчај по своите цели.
Читај бе: Вие лично сте инспирација за многу жени – трчавте полумаратон во рана бременост и учествувавте на треил трка во седмиот месец. Како успевате да го слушате своето тело и да ги поместувате границите?
Маја: Слушањето на телото е нешто што се учи со текот на времето.За мене движењето е природен дел од животот. Знам кога му е потребно одмор но и предизвици. На предизвикот одам силно, без страв – напротив, секогаш наоѓам баланс меѓу тоа што го сакам и тоа што ми го – напротив, секогаш наоѓам баланс меѓу тоа што го сакам и тоа што ми го кажува моето тело. Но, исто така, верувам дека границите често постојат само во нашите глави. Кога ќе ја смениме перспективата и ќе веруваме во себе, сфаќаме дека можеме многу повеќе од колку што мислеле.
Читај бе: Колку е важно жените да си поставуваат лични предизвици и како спортот може да им помогне во тоа?
Маја: Предизвиците ни помагаат да растеме, да станеме похрабри и поуверени во себеси. Спортот е идеален начин за тоа – ни покажува дека со труд и посветеност можеме да постигнеме повеќе одошто сме замислувале. Не мора тоа да биде маратон или голема цел, понекогаш и најмалите чекори прават разлика. Најважно е да почнеме, а сè друго доаѓа со време.
Читај бе: Пријавувањето за трката започнува на 8 март, симболично на Меѓународниот ден на жената. Каква е симболиката на овој датум за Вас и за трката „Биди своја“?
Маја: 8-ми Март не е само ден за цвеќиња, туку ден што ги потсетува жените на борба, почит и сила, па затоа сакам на тој ден да почнат да се пријавуваат.
