Културно-информативен центар – Битола годинава се приклучи кон одбележувањето на 30-ти Април, Меѓународниот ден на џезот како алатка за разбирање и споделување меѓу луѓето ширум светот, воедно промовирајќи ја новата сцена која во наредниот период ќе биде место на бројни музички настани во Битола.
Овој ден беше прославен во концертната сала на Офицерскиот дом во Битола, со етаблирани џез музичари кои настапуваат под името „Квартет Сашо Поповски“ и исклучителната изложба на фотографии посветена на џез сцената, како и книгата со наслов „Џезтетика“ од Татјана Ранташа.
