Старешината на манастирот Свети Јован Богослов и Свети Јован Крстител во месноста Германски гробишта, протојереј Гоце Велјановски заедно со управниот одбор на манастирот искажуваат огромна благодарност до противпожарните служби, општината и сите институции кои помогнаа манастирот да остане недопрен од големиот пожар кој веќе два дена демнее над Битола.
„Особено голема благодарност до сите граѓани кои доброволно се вклучија во гасењето на огнената стихија и благодарение на нив манастирот остана безбеден. Благодарност и до сите поединци и компании кои веднаш реагираа и донираа вода и храна за сите наши храбри сограѓани. Господ да ги благослови!”, рече старешината на манастирот, протојереј Гоце Велјановски.
