Еден од највлијателните артисти на современата електронска сцена, Black Coffee, ова лето доаѓа во Скопје. Настанот ќе се одржи на 19 јуни, на отворената сцена на Стадион на АРМ, која важи за една од најатрактивните open-air локации во главниот град.
Светски познат по својот уникатен звук и енергија, Black Coffee не е само диџеј – тој е глобален феномен кој создава вистинско музичко доживување. Добитник на Grammy Award и редовен хедлајнер на најголемите светски сцени, зад себе има настапи во легендарни арени како Madison Square Garden и The O2 Arena.
Неговиот придонес за глобалниот подем на afro-house звукот го позиционира како еден од клучните артисти на денешницата, со влијание што ги надминува жанровските граници.
Публиката во Македонија и регионот ќе има ретка можност да биде дел од „The Ultimate Black Coffee Experience“ – спектакл што ветува врвна продукција и незаборавна атмосфера.
Повеќе информации за цените на влезниците и ВИП пакетите ќе бидат објавени на 4 мај (понеделник) во 11:00 часот. Продажбата на билетите започнува на 5 мај (вторник) во 10:00 часот, онлајн преку платформата Avalon Booking, како и во продажната мрежа на karti.com.mk низ целата држава.
