Со повеќе активности Народниот театар Битола утре, на 14 ноември ќе го прослави 78-ми роденден.
„Нашиот театар како најстар театар во земјава годинава слави 78 години од првиот македонски збор изговорен на театарските штици. 78 години непрекината дејност се навистина голема бројка и по тој повод НТБ приготвува целодневно чествување на кое ве кaниме сите Вас. Нашиот роденден е подржан од нашата Општина Битола и влезот ќе биде слободен за сите со подигнување на влезници од билетара пред почетокот на настаните“, велат од битолскиот театар.
Во 9.30 часот ќе се одржи едукативно театарскиот пeрформанс „Зошто го сакам театарот“.
Во 19.00 часот ќе биде отворена изложбата на театарски портрети од ликовниот уметник Кирил Геговски.
Во 20.00 часот специјално за публиката, ансамблот на битолскиот театар го приготвија колажот „За нашиот театар“ кој ќе биде изведен на големата сцена.
Првиот македонски театар кој на 14 ноември 1944 година во Битола ја изведе првата театарска претстава на современ македонски јазик, едночинката на Владо Малески, „Ѓоре Магаревски“ во режија на Димче Стефановски.
