Младите уметници од светската детска ликовна колонија „Мал Битолски Монмартр“ поминаа незаборавен ден во духовниот мир и убавина на Бигорскиот манастир. Опкружени со природата, архитектурата и посебната атмосфера на ова светилиште, тие цел ден твореа инспирирани од богатото културно и духовно наследство што го носи Бигорската Обител.
Со четки, бои и многу детска креативност, младите таленти од различни земји создаваа дела исполнети со емоција, светлина и восхит кон манастирот и неговата уникатна убавина. За нив, ова не беше само ликовна работилница, туку и можност преку уметноста да ја почувствуваат духовноста, тишината и топлината што ги нуди Бигорски.
По четврт пат по ред, ова свето место ги отвори вратите за младите таленти од целиот свет.
Фото: Саше Богоевски
