Во малата сала во НУ Завод и Музеј беше презентирана втората изложба од АртВар, меѓуграничната соработка помеѓу Грција и Македонија, односно меѓу здруженијата Лигистес и ДЛУБ, како и учеството на одделот за применета уметност при Универзитетот на Западна Македонија во Грција. Основната идеја е да се зајакне уметничката соработка меѓу двете соседни држави преку истражување и запознавање на орнаментиката на традиционалните носии низ пределите на Баба планина и нејзиното претставување преку современа интерпретација. Орнаментика во својата суштинска смисла претставува почеток и опишување на светот.
Традиционалната носија е вообичаен феномен што што се проучува во историските димензии на блиската култура каде се родила. Планината Баба е разделник меѓу Лерин и Преспа и на север таа се простира надвор од нејзините граници, одејќи до рамнината на Пелагонија и Битола.
Традиционалната носија не се менувала лесно за разлика од денешниот израз кој варира со многу брз ритам, но тоа што е многу значајно е дека секоја нејзина промена мора да биде одобрена од селската заедница. Традициналниот етнолошки код кој освен практичните обреди да го сочува телото од студ и да му дава топлина и слично, претставува пред се паралелен знак-симбол. На овој начин традиционалната носија од различните типови добива и стабилни значења без разлика на возраста на носителот.
За оваа иницијатива се користеше архивски материјал, фотографии, филмски записи, интервјуа итн., и околу 180 народни носии во сопственост на грчкото здружение на традиционални танци Лигистес, а консултирана е и збирката на 160 народни носии од етнолошкиот музеј во с. Подмочани во областа Преспа , Македонија, една од најбогатите етнолошки збирки.
