Серафим Саровски е руски светец чија мудрост за животот, љубовта, духовноста и здравјето се цитира и денес. Свети Серафим не ги запишувал неговите зборови, но другите ги слушале неговите проповеди, ги пренесувале еден од друг и ги запишувале.
Според преданијата, тој живеел во колиба во шумата, во самотија и молитва. Негуваше посебна почит кон природата, сите животни и растенија. Во приказните за свети Серафим се вели дека во неговата колиба дошле многу диви животни, а тој како домашно милениче скротил мечка.
Некои од неговите најзначајни мудрости се поврзани со здравјето и ни кажуваат колку духовната состојба може да биде поврзана со појавата на болести. Денес таквите болести ги нарекуваме психосоматски.
Според Серафим Саровски, болестите се јавуваат од 3 причини:
1. Многу болести произлегуваат од фактот дека човекот станува апатичен и тажен. Постојано треба да се трудиме да имаме „радосен дух“ – радосен и среќен човек може се!
2. Може да се разболите и ако сте постојано лути и бесни на другите. Не треба да дозволите негативните чувства да ви навлезат во душата, вели Саровски, потребно е да ја одржите хармонијата и мирот во себе. „Најди мир во душата и илјадници ќе се спасат околу тебе“, рекол светителот.
3. Ризикот од болест се зголемува ако човек постојано прави некакво лошо дело. Како резултат на тоа, се појавува некаква болест. Тоа не се случува за да човек страда, туку му се дава за да има време и можност да го промени своето срце, да стане подобра верзија од себе и да разбере што згрешил. „Бог не е причина за злото, не е тој што ни испраќа неволји. Често сами се доведуваме во жална состојба“.
Серафим Саровски рекол дека треба да избегнуваме жалење, но да негуваме трпение, благодарност и радост за да си го зачуваме здравјето. „Многу луѓе со години имаат послабо тело, но посилна душа.“ – Серафим Саровски
15 (2) Јануари – Спомен на преподобниот Серафим Саровски
1 Август (19 јули) – Наоѓање на моштите на преподобен Серафим Саровски
