Светскиот детски ликовен конкурс кој 36 години по ред го организира регионалната канцеларија за култура на Газиантеп гувернерот под покровителство на Министерството за култура и туризам на Република Турција ги објави резултатите за 2025 година.
На конкурсот пристигнаа 15.000 детски цртежи од 4О земји од цел свет. Меѓународната жири комисија составена од еминентни професори и ликовни педагози на оваа престижна манифестација со долгогодишно реноме имаа полни раце работа.
„Конкурсот во Газиантеп ни е поприлично битен. Впрочем ние имаме сериозен пристап кон сите конкурси без разлика дали се тоа ново формирани или постојат и над половина век. За нас е позитивно што изминатите пет години а особено по минатогодишниот успех на јубилејот 35 години постоење учеството повторно вроди со одлични резултати и успех.
Впрочем минатата 2024 година на овој конкурс имавме еден сребрен и 2 бронзени медали па овој успех само по себе говори дека напредуваме и тоа прилично солидно кон негата на ликовниот талент кај младите уметници.
Сега за 2025 година имаме 4 медали а шест наши ученици се добитници на Покана за изложбата која ја генерира резултатот од овој светски детски ликовен конкрус а реализира организаторот во Газиантеп и потоа истата патува низа цела Турција.
Оваа година со златен медал во категоријата ученици од 13 – 19 години е награден членот на Детското ликовно студио “Свети Кирил и Методиј” Битола – Ана Полизовска. Со сребрени медали се наградени Јана Талеска [ категорија на ученици од 3 – 12 години ] и Јована Василевска [ категорија на ученици од 13 – 19 години] додека со бронзен медал е наградена Сара Сотировска [ категорија на ученици од 3 – 12 години ].
Членовите на Детското ликовно студио “Свети Кирил и Методиј” Битола кои добија посебни Признанија со Покана за учество на изложбата се Димитра Филиповска, Мила З. Спиркоска , Нина Пешевски, Стефанија Јошевска и Марија Миленковска во категоријата на ученици од 3 до 12 години како и Сирма Спиркоска во категоријата на ученици од 13 – 19 години.” – изјави Славчо Неделковски – претседател на УО при Детското ликовно студио “Свети Кирил и Методиј” Битола.
