Камерниот oркестар IWconnect синоќа одржа Велигденски концерт во Офицерскиот дом во Битола каде го изведоа делото “Стабат Матер” на Перголези. Како солисти настапија сопранистката Билјана Јосифов, контратенорот, Бојан Булатовиќ од Србија, а оркестарот настапи под водство на уметничкиот директор и диригент на овој ансамбл Владимир Димовски.
Концертот само ја потврди идеалната акустика на салата на Офицерскиот дом, иделна за вакви камерни концерти на класична музика.
На програмата вечерта се најде и концертот за две виолини од Антонио Вивалди, каде солисти беа виолинистите Валентин Наумов и Владимир Цветковски.