После светската премиера, 15 победи и 6 номинации на светски фестивали како дел од европската филмска програма историско-биографската драма „Сенките на Караваџо“ во кино „Браќа Манаки“!.
Влезници по цена од 100 денари еден час пред проекциите за италијанско-француска копродукција. Италија во 1610 година. Караваџо е еден од најбрилијантните сликари на своето време, но и бунтовник против одлуките на католичката црква.
Откако бил информиран дека сликите прикажуваат проститутки, крадци и скитници, папата Павле V ѝ наредува на Тајната служба на Ватикан да го истражи уметникот. Папата треба одлучи дали да го помилува сликарот затоа што Караваџо го побарал тоа откако бил осуден на смрт за убиство на својот љубовен ривал. Истражувачот, познат како Сенка, започнува истрага што ќе го наведе да ги открие пороците и доблестите на уметникот чиј живот го држи во свои раце.
Во режија: Michele Placido, улоги: Riccardo Scamarcio, Isabelle Huppert, Louis Garrel, Micaela Ramazzotti, Mario Molinari, Vinicio Marchioni, Lolita Chammah, Moni Ovadia. Возрасна граница: 15+
