После голематата промоција на Саемот на книга во Скопје, конечно романот „Капињера“ од Гордана Такец ќе биде промовиран и во Битола, на 7 мај во 18 часот во книжарницата Books`s House во Битола, така што читателската публика ќе има можност да се сретне и дружи со авторката. Романот веќе е достапен низ книжарниците низ Македонија. Издавач е ИК „Сакам книги“ кои пријатно изненадуваат со фактот дека покрај странските автори, со посебен третман ги промовираат македонските автори како што е и слоганот на едицијата : НАШИ, А СВЕТСКИ.
Гордана Такец има богата животна и професионална биографија, многупати досега изненадува со острината на своето перо – со тоа што читателите им дава вистински приказни избрусени низ писателските раце – па така и сега со „Капињера“- таа само ја раскажа на еден суптилен начин првата љубов на нејзиниот татко – на битолчани добро познат, новинар, хроничар, интелектуалец Димитар Димитровски Такец.
Таа има шеснаесет години. Се вика Луна, најубавата Еврејка во градот. Такец има осумнаесет години. Се засакуваат, лудо, искрено. Исконски нож кој отсекогаш ги сечел ваквите врски, посилен дури и од најсилната љубов. И што кога бесмисленоста на војната алчно ќе ги проголта невините, неделжните? Ќе остане тага, празнина и молк. „Големите љубови остануваат големи тогаш кога нема до крај да се остварат или…не се реализираат затоа што се големи?
