Вечерва, 5 април, во Кино Манаки со почеток од 20 часот ќе се прикаже премиерата на првиот македонски филм снимен на турски јазик, во режија на познатиот турски режисер Сердар Акар „Најтешкото нешто“ .
Купете си влезници еден час пред проекциите по цена од 100 денари.
„Најтешкото нешто“ е современа драма која прикажува неколку испреплетени животни судбини, чии патишта се вкрстуваат. Дејствието на филмот е драма за денешницата, за време на преживување на најтешките ситуации во животот, како и за тактиките кои се користат за да се надминат предизвиците. Приказна за животи кои згаснуваат и надежи кои расцветуваат.
Режија: Сердар Акар
Сценарио: Оливер Ромевски
Улоги: Ердал Бешикчиоглу, Белчим Билгин, Ертан Шабан, Халил Ерѓун, Луран Ахмети, Бедиа Бегова, Сара Климоска, Сузан Акбелге, Џенап Самет, Дениз Абдула, Ивана Павлаковиќ, Ерман Шабан, Неат Али, Осман Али и многу други.
Продуценти: Владимир Анастасов и Ангела Несторовска од Сектор Филм, во соработка со турската продуцентска куќа Ен-Те-Џе Медиа (NTC Medya). Филмот е поддржан од Агенцијата за филм.
