Директорот на НУУБ „Св. Климент Охридски“- Битола, м-р Бојан Стефановски беше домаќин на амбасадорот од Република Полска господинот Кшиштоф Гжелчик.
Господинот Гжелник на функцијата амбасадор во нашата земја е официјано од мај 2023 година, со што посетата на битолската библиотека е на почетокот на неговиот мандат. За време на посетата, делегацијата на Р. Полска предводена од амбасадорот имаа можност да се запознаат со работата на библиотеката, како и со тековните и веќе реализираните проекти, а се разговараше и за заедничка соработка.
На средбата се постигна меѓусебен договор во кој предвидено е реализирање на низа заеднички активности во наредниот период. Првично планирано е фондот на библиотеката да се збогати со книги од полски автори на полски јазик, како и книги преведени од полски на македонски јазик. Потоа планирано е опремување на катче со литература како дел од библиотеката.
Во текот на наредната година предвидени се уште неколку активности во делот на популаризација. Месец мај во Република Полска е посветен на популаризацијата на книгите и писателите. По тој повод, на оваа посета беа договорени обуки на библиотекари, културни манифестации и конференции во кој учество ќе земат познати полски писатели и библиотекари, како и размена на библиотекари од двете земји, со цел размена на искуства и пратење на моредните трендови од библиотечното работење.
