Матурската прослава е крајната точка на едно прекрасно животно поглавје исполнето со безгрижност, дружба, оформување на пријателства. Вечер која го отвора патот кон животот како возрасна личност, пат кој чека да биде исполнет со нови мисли, дела, труд, успех и верба во секој еден нов чекор.
Изгледот за оваа вечер токму затоа е важен за матурантите, затоа што го покажува карактерот и подготвеноста да се отвори новата врата.
Токму затоа, Александар Ортаковски, за оваа пригода, се потруди и со огромна љубов креираше нешто невообичаено, на кое напорно работеше за да ги исполни желбите за изглед на една девојка за оваа пригода. Three piece TAO парчето е искомбинирано во две бои кои совршено се вклопуваат во комбинацијата на два исклучителни материјали.
,,Како и со секој клиент, кога работам на custom-made парчиња, прво најбитно ми е да ја почувствувам енергијата. И од таму започнува процес на осмислување на дизајнот. Матурата несомнено е red carpet настан на кој треба да сме гламурозни, но според мене мора сето тоа да се зачини со еден youthful chic и cool момент. Тие се годините, тоа е матурата. Сакав да направам нешто што е модерно, ново и уникатно, што во случајов во целост се совпаѓа со карактерот на Глорија. Така настана ова three piece custom TAO парче, во две бои, со комбинација на два исклучителнни материјали. Доминантна сјајна магнетна за пантолоните и ракавот, со богата мат црна во делот на корсетот” – вели Александар.
