Свети Фануриј се празнува на 9-ти септември, а кај народот постои верување дека помага во исполнување на желбите на луѓето. По тој повод верниците замесуваат колач од 9 состојки.
Во пресрет на овој празник, го споделуваме рецептот за фануропитата на Катерина Шамбевска Спасеновска од Сѐ за храна, како што вели најлесниот и највкусниот колач кој се меси за барање прошка на гревовите на мајката на свети Фануриј.
„Едноставна подготовка, добра мисла и убави емоции! А ова е мојот омилен рецепт за Фанурија, кој спонтано го подготвив пред 2-3 години, а годинава ќе го повторам, затоа што многу ни се допадна вкусот на сите кои пробавме, а подготовката е претерано едноставна!“, вели Катерина.
Состојки:
2 чаши брашно
1 лажиче сода бикарбона
1 ќесичка ванилин шеќер
1/2 чаша кафеав шеќер
1 чаша сок од портокал
1/3 чаша масло
50 г суво грозје
50 г сечкани лешници
рендана кора од половина лимон.
Подготовка:
Сите состојки се мешаат и не се остава да отстои. Народната традиција вели, додека мешате,да си ја повторите вашата желба 3 пати.
За печење направив ,,калап” од хартија бидејќи сакав мала, а висока Фанурија.
Рерната се загрева на 200 степени, па се печи на 180 степени околу 35-40 минути. Декорирав со малку од сечканите лешници. 
На здравје и за убаво!
За повеќе вакви рецепти, заследете ја Катерина на Фејсбук: https://www.facebook.com/katerina.sambevska/
или на Инстаграм:
https://www.instagram.com/katerina.shambevska/
